Ang broadcast journalist nga gi-ila nga Idol Raffy Tulfo nahimong household name gumikan sa gi-atngan ug gisunod nga programang ‘Raffy Tulfo In Action’ (RTIA) sa iyang minilyon nga fans ug supporter ilabi na sa marginalized sector.

“Na-isip ko na ganito nalang palagi na I’m giving band aid solution sa isang sugat nga malalim na, temporary lamang."

“Why not make a major surgery sa problema, and what is that, major surgery sa isang problema na paulit-ulit nalang?"

“Which is to pass legislation na once and for all mapapatigil na po ang problema and we can go through the root of the problem,” pasabot ni Tulfo sa iyang tinguha nga magpapili pagka-senador.

Miduaw sa Sugbo si Tuflo kagahapon, Oktubre 28 aron sa pagtuman sa iyang saad niadtong Sugboanong centenarian nga nag-birthday sa maong adlaw kinsa usa sa mga avid fan sa maong broadcaster.

Samtang, tulo ka mga adbokasiya ang dad-on ni Tulfo sa higayon nga buligan sa posisyon sa Senado nga mao ang labor, family ug overseas Filipino workers (OFW).

Lakip nga iyang tutokan ang kahimtang sa matag sakop sa media sa nasud nga mapanalipdan ang seguridad ug kuwang sa benepisyo taliwala sa risgo sa trabaho nga angay hatagan og pagtagad sa gobiyerno.

Sa higayon nga magsugod ang pangampaniya kasamtangang mabiyaan ang iyang programa nga RTIA apan anaa ang iyang mga anak nga maoy kasamtangan nga modumala niini, aron padayon nga adunay kadangpan ang publiko sa ilang problema. (FVQ)