GIDONAR sa Solid Earth Development Corp. (SEDC) ang 300-metro kwadradong luna ngadto sa South Poblacion sa lungsod sa San Fernando nga tukuran niini og usa ka multi-purpose hall nga ipahimutang niini ang session hall, mga opisina sa lehislatura, tanod, senior citizens, ug health center.

Mitampo sab ang kompanya alang sa katukoran sa bag-ong day care center sa Panadtaran, P125,000 niadtong Disyembre 28, 2018, ug susamang kantidad.

Gitiman-an nila ni Atty. Dennis B. Tenefrancia, pangulo sa SEDC, ug kapitan Dioscoro A. Sebra sa South Poblacion ang deed of donation alang sa maong luna sa usa ka groundbreaking sa lote sa maong proyekto.

Napahigayon kini human gikontrata ang proyekto sa Department of Public Works and Highways (DPWH), pinaagi sa Cebu 2nd District Engineering Office, pagka-Enero 8 ngadto sa SAS General Contractors alang sa dul-an sa P1 milyon.

Samtang, gitunol sa SEDC ang unang gahin alang sa Panadtaran day care ngadto sa kanhi kapitan, ang na-anhing nga si Ricardo Reluya, sa yanong seremonya nga gitambongan sa mga kandidata sa Miss Teen Panadtaran.

Ang manununod ni Reluya, nga si Vavy Montreah Dayao, maoy midawat sa ikaduhang gahin, nga sa gihapon, uban sa nangulo sa Sangguniang Kabataan Lyca Ann Rose Selma, pipila ka mga opisyales sa barangay, ug mga magtutudlo.

Hingpit nang natukod ang Panadtaran day care center uban sa mga lamesa ug lingkoranan alang sa nanungha nga mga bata, ug ubang kahiman sa pagpanudlo. (PR)