Human sa malfunction nga nahitabo, nasangit ang pipila ka mga tawo ibabaw sa pinakataas nga roller coaster didto sa United Kingdom.

Ang mga na-stranded gikatahong nilakaw pa og mga 200 ka tiil paubos aron lang makanaug sa usa sa mga atraksyon nga ginganlang og The Big One sa Blackpool Pleasure Beach.

Sa video, makita nga ang mga nisakay sa roller coaster gikuyugan sa mga staff nga makanaug niini gikan sa 213 ka mga tiil nga gitas-on.

Ang The Big One maoy kinatas-an ug kinapaspasan nga roller coaster sa kalibutan sa dihang giablihan kini niadtong 1994, matod sa Coaster Grotto.

Apan nalabwan na kini sa Kingda Ka sa Six Flags Adventure sa New Jersey nga anaa sa 456 ka mga tiil ang gitas-on.

Ikaw, unsay imong buhaton kung mopalyar ang roller coaster unya sakay ka niini? /