SA ikaduhang higayon, nagkapundok na usab ang banay’ng Gravines sa lungsod sa Poro, isla sa Camotes, lalawigan sa Sugbo sa miaging buwan.

Ang mga nanambong sa clan reunion ang uban nagagikan sa mga siyudad sa Sugbo, Davao, Ormoc, ug Baybay. Aduna usab nagagikan sa Luzon, ubang bahin sa Kabisay-an ug Mindanao.

May mga miyembro usab nga gikan pa sa Estados Unidos ug Europe nga nituyo og uli aron motambong sa reunion.

Ang kalihokan gipahigayon sa covered court sa Barangay Libertad, Poro, niadtong Mayo 19, 2018.

Ang kalihokan gisugdan og misa sa simbahan sa lungsod ug gisunod ang nagkadaiyang pasundayag sa mga kanta, sayaw, zumba, ug uban pa gikan sa mga apo hangtod sa bag-ong henerasyon sa kabataan.

Nalingaw usab sila sa games ug premyo nga gipanghatag.

Nagsalosalo usab sila sa giandam nga mga pagkaon sa matag banay.

Ang unang clan reunion nahitabo niadtong Mayo 2016 ug sa sunod, ipahigayon kini sa 2021. (SCG)