DEAR Papa Joe,

Tawaga lang ko og May, 22 years old na ug taga probinsya sa Sugbo.

Ang akong suliran kabahin sa gugma nga maoy naka depress nako. Ang akong ka live-in maora na man og uga nako sukad atong nakig break ko niya kay feeling nako wa na siyay time nako. Sulod sa among panagbuwag, tan-aw nako nalingaw na hinuon siya kay nakahimamat siya og laing mga tawo o ba kaha hinigugma. Mao nakigbalik ko niya, apan tan-aw nako di siya malipayon na.

Mao na naglibug na ko niya ug kon mobuwag ko basin magmahay na sad ko. Matod niya nga nagpabilin gihapon siya kay iyang tan-awon ug mo workout pa daw mi. Unsa may buhaton ko? Palihug tambagi ko.

MAY

May,

Kon di na happy ang tawo nimo, then let go. Kay kong tinuod kang nagmahal niya, imong tinguha magmalipayon siya. So, pasagdi siya asa siya malipay. Sakit, apan ana gyud nang tinuod ngs nagmahal.

Usahay makapangutana ta, ngano? Pero basin wa lang nimo mabantay nga ang problema kay ikaw, di siya. Basin imo lang i-complicate ang sitwasyon para lang mahibaw-an nimo kon love ba gyud ka. Try og usab kuno, basin ma save pa nimo ang inyong relasyon.

PAPA JOE

(para sa inyong tampo ipadala lang sa papajoesuperb@gmail.com)