DEAR Papa Joe,

Tawga lang ko sa ngalan nga Ingrid, 30 anyos na ang edad, taga Danao City.

Ang akong suliran kay kabahin sa akong pamilya. Akong bana naa sa Dumaguete. Sa Dumaguete gyud mi nagpuyo sa una, pero nibiya ko kay way klarong trabaho ang akong bana. Kasado baya mi. So, akong giuban ang mga bata diri sa Danao, pero paglabay sa pila ka buwan, gamay ra man siya og pinadalhan. Mao nga akong gihatud ang mga bata niya kay maglisud man ko og buhi.

Karon ako ta kuhaon ang mga bata kay nabalitaan nako nga di maayo pagka gam. Unsaon man nako pagkuha sa mga bata nga di man daw niya ihatag? Palihug tambagi ko.

INGRID

Ingrid,

Adtoa lang ANG imong bana puhon kon pwede na ka makabiyahe. Ug istoryahi na ninyo kay ang makaluluoy niana ang mga bata.

Di sad ka makaingon nga pinasagdan kay wa man ka didto nga unta ikaw maoy moamuma sa mga bata. Mahug na hinuon nga niikyas ka sa responsibilidad.

Day, ayuha sa na ninyo inyong relasyon kay gisudlan man na nimo. Ang importante kay ang responsibilidad ninyo ug dili ang pride.

PAPA JOE

(sa inyong tampo ipadala sa papajoesuperb@gmail.com)