Dear Papa Joe,

Tawga lang ko og Mikay nga taga Cebu City. 24 years old na ko og naa nagtrabaho sa usa ka BPO. Di sa panghambug gwapa, sakto sa lawas pero kuwang sa utok. Nganong kuwang? Tungod kay nabugo ko sa gugma.

Maayo unta og laing sitwasyon pero komplikado kay tungod sa ECQ, niistar ko ri diri sa Syudad sa balay sa akong ate. Wa ko masayud og naunsa ba basta nagkarelasyon mi sa bana sa akong ate. Labina gabii akong shift ug akong ate ga work, naa ra gyud ko sa balay ug kong unsa? Wa ko masayud basta kalit lang. Ang ako lang, unsa akong buhaton. Palihug tambagi ko.

MIKAY

Mikay,

Samtang sayo pa, undangi na kay sa mabulabog na man ron. Pwede man ka mobalhin og puyo. Mag-abang ka bisan kwarto lang kay dako kaayo nang iskandalo. Yes, nasayop ka pero wa na mag-ingon nga di nimo pweding usbon. Again, daghang relasyon maguba ana. Patya na lang gyud na. Gawas kon andam kang isugal ang imong kaugmaon anang gugmaha. Kaloy-i ang imong igsuon, pamilya ug imong kalag.

PAPA JOE

(para sa inyong tampo ipadala lang sa papajoesuperb@gmail.com)