Papa Joe,

Ako diay si Amelita, 25 anyos, dalaga ug wa pa gyuy official nga uyab.

Karon naundang ko og trabaho mao nga nisud ko pagka online seller. Hangtod nga niabot ang time nga may nakailaila ko nga customer nga mopalit sa akong gibaligya. Hangtud na mo PM lang siya nako kon naa ba koy baligya. Cute man sad siya, labi na wa koy laing nailaila pagka general community quarantine (GCQ).

Niabot ang time nga mag-meet up ug hagdon ko niya og drive thru hangtud nga kaming duha ang mo-deliver sa baligya. Hangtod nga nagka MU mi ug nakuha gyud niya ang akong pagka babaye.

Mao ni ang sitwasyon ron nga nagsabak ko pero di na man nako siya ma-contact. Ang problema wa gyud koy background niya kay wa sad ko kahinumdum sa iyang plate number kay sa sakyanan ra man namo buhata kay sirado man ang mga motel. Unsay buhaton ko? Tambagi intawon ko.

AMELITA

Amelita,

Day, wa gyud ka mosunod sa social distancing. Tan-awa nag-positive na hinuon ka sa gugmang asymptomatic. Well, naa na man na, siguro kon okay na ang tanan wa nay virus, anha na siguro nimo siya pangitaon. Lisud sad i-social media nimo kay personal man na ug kana kon wa sad ka kalimot og picture niya.

Sa pagkakaron, planohi sa nga unsaon nimo pag-survive, labi na lisod ron kon mabdos ka. Kaya ra na nimo. Masayop man gyud ang tawo.

PAPA JOE

(sa inyong tampo ipadala sa papajoesuperb@gmail.com)