Dear Papa joe,

Ako si Monet, 35 anyos, taga Labangon Cebu City. Patambag ta ko sa akong suliran.

Naa man gud koy kabikil nga silingan nga himantayon kaayo. So, nagkakomprotanse na mi ani niya sa barangay. Pero mao gihapon, magpadungog dungog inig agi nako sa ilang balay kay sa squatters man mi puyo. So mao to, nag-post post ko sa akong Facebook ug mga patama sa mga tsismosa.

Karon, ni-comment bitaw na siya nga siya kuno ang giigo sa akong post. Iya kuno kong ikiha og cybercrime kay nauwawan kuno siya nga bisan share sa post ra gud, Papa Joe. Sama sa mga saying nimo nga ako sang i-share. Naa diay koy sala ani? Unsa akong buhaton tambagi ko.

MONET

Monet,

Kon shared post lang, wa koy nakita nga sala ana kay wa man ka mag mention og ngalan. Gawas na lang sa iyang comment nga mo reply ka nga siya.

Mao na ayaw na lang na tagda kay nagpamatuod lang na siya nga siya himantayon kay ni view man siya sa imong FB. Busa, cool ka lang. Ayaw patuli bisan kon nakahibawo ka deep inside nga siya ang imong gipasabot. Daghang salamat.

Papa Joe

(para sa inyong tampo ipadala lang sa papajoesuperb@gmail.com)