DEAR Noy Kulas,

Just call me Mai-mai, 42 years old, minyo na ug dunay mga anak. Complicated ni akong story but dunay similarity tingali sa usa ka problema nga imong natambagan.

Duna koy suod kaayo nga ig-agaw nga tomboy. Classmate mi pagka high school ug nagkabuwag og eskwelahan pag college pero padayon gihapon mig magkita ug magkuyog. Bisan naminyo na ko, kami lang gihapon barkadaha. Supportive kaayo siya nako sa akong decisions bisan sa akong pagminyo.

Pag reunion namo sa among batch sa high school last year, nagkuyog mi. Alegre kaayo ang among reunion kay didto mi og beach ug nag-inom, naghinumdom sa among mga experience dihang mga teenager pa mi. Kay overnight lagi, nag-usa ra mi ka kwarto sa akong cousin nga tomboy. Ug sa among kahubog, nalimot mi sa among kaugalingon, dunay nahitabo namong duha that night. Kaingon namo nga bunga ra to sa kahubog pero, nausban pa pagkabuntag kay nanginit na ang among mga lawas. In short, kalit lang ming nagka kami.

Tago ra ang among relationship pero, magsige na mig kita ug mang check-in. Mas happy ko nga siya ang akong partner kay sa akong bana. Ambot ba nga mas ganahan na hinuon ko sa akong cousin kay sa akong bana. Kon kami magdug sa akong bana, ang naa sa akong mind ang akong ig-agaw. Usahay mag-fake na lang ko sa akong husband aron di siya malain.

Noy, ngano kaha nga naingon ani ko? Wa na ba koy love sa akong husband? Kay mas magpangita ko sa akong cousin kay niya. Mingawon kog todo sa akong cousin pero niya di na. Please tambagi ko.

Mai-Mai

Mai,

Kanang giingon nga “kompyansas pare” tinuod baya na. Kana bang magsalig kay minyo ug asawa na, kalimtan ang mga butang nga gihimo dihang uyab pa. Kanang panag-date o paghatag og higayon sa magtiayon nga sila rang duha sagad maundang kon minyo na. Ang pagpanguyab panagsa sa asawa wa na. Pasagdan na lang gani ang asawa nga magkabayayat.

Hayan mao na ang nahitabo tali nimo ug sa imong bana. Wa na moy time sa mga butang nga inyong ginahimo kaniadto. Mao na nga mas excited ka pa nga makauban ang imong ig-agaw.

Lain sang sayop sa mga bana mao ang pagkadawo sa kalipay sa sex. Kana bang ang ila rang kaugalingon ang gihuna-huna, wa magtan-aw nga ang asawa duna usay sexual needs nga kinahanglan i-fulfill. Kasabot tingali ka sa akong pasabot.

Kana tingali maoy inyong angay buhion sa imong bana samtang duna pay panahon. Unya undangi na tawon nang inyong kabuang sa imong ig-agaw kay wa nay maayong resulta, kagubot ray padulngan niana.

Noy Kulas