Dear Noy Kulas,

Maayong adlaw. Tawga lang ko og Mark, 32 years old pero nanimpalad diri sa abroad para sa akong future.

Dugay na ko diri sa abroad ug kaluoy sa Ginoo nakatigomtigom na ug duna nay napundar nga gamay nga properties for my family. Four years ago nakauyab ko diha sa atoa ug until now kami pa gihapon.

Sa akong pag-uli diha recently, nag ask siya nako when mi magminyo kay gusto na sa iyang parents nga makakita sa ilang apo. Nihangyo siya nako nga hatagan nako siya sa portion sa akong sweldo aron makahinayhinay na mi og tigom para namong duha ug sa among kasal.

Ako siyang giingnan nga huna-hunaon sa nako kay daghan pa ko og plano for my family. Karon nagsige na siya og pangutana kon unsa nay akong mga plano aron kuno makahibawo siya kon asa siya molugar. Wa pa ko nitubag ani niya. Love nako siya but gahuna-huna pud ko sa akong family. Maayo kaha nga ako siyang hatagan og portion sa akong monthly income? Unsay imong huna-huna, Noy Kulas?

MARK

Mark,

Lain pud paminawon anang iyang demand nga uyab pa gani mo, ing ana na ang iyang gusto. Okay ra unta nang iyang pag ask nimo unsa ang imong plano alang ninyong duha. But ang pag ask parte sa finances ug pagtugyan nimo di na maayo. Uyab pa gani mo, unsa na kaha og maminyo? Di ra ba dautan ang pag-prioritize nimo sa imong pamilya karong panahuna kay nakahuman ka tungod baya sab nila. Angay gani siyang mag-amping sa pagsulti nimo ana.

Balibari siya nga di una angay maghisgot sa sweldo nimo kay duna ka pay angay nga tiwason alang sa imong pamilya. But sultihi siya unsa sab ang imong mga plano alang kaninyong duha aron di siya mag worry. Ayaw sab dugaya og maayo nang kasal to the point nga guwang na mo. Ang babaye baya magkataas ang edad, di maayo magmabdos.

Kon mag save ka alang ninyong duha nga ikaw ra, maayo sab. Pasabta lang siya sa sitwasyon.

NOY KULAS

rojval69@yahoo.com