NAGPAMATUOD sa iyang pagkakomitado sa pagtabang sa dapit sa iyang negosyo, ang Visayan Electric Company daling nihatag og hinabang sa dakbayan sa Naga, lakip sa mga residente nga namakwit tungod sa pagdahili sa yuta niadtong Septiyembre 20.

Ang Veco dali usab nga nipawong sa kuryente sa dapit aron pagsegro nga luwas ang mga residente ug ubang grupo nga nagpahigayon og search and rescue.

Hinuon, niila sa kaimportante sa kuryente alang sa operasyon, ang Veco nihatag og kuryente sa mga poste nga duol sa landslide area ug nagmuntar dayon og floodlights sa dapit.

Niadtong Septiyembre 22, dul-an sa 61 ka Veco Kaibigans nag-apud-apod og 750 relief packs sa mga namakmit nga pamilya nga naa sa Enan Chiong Activity Center, Naga Central High School, Apo Gym, and Naalad Elementary School.

Ang relief packs, natigom pinaagi sa Veco, AboitizPower Oil Business Unit and Aboitiz Foundation, naglakip sa ready-to-eat food items, toiletries, four liters sa tubig ug lima ka kilong bugas. PR