DISE otso ka pares ang gikasal sa Barangay Pañalum, Paquibato District, siyudad sa Davao. Ang selebrasyon gipangunahan ni Rev. Fr. Marlou N. Labares.

Sa report, ang programa gipangunahan sab sa Police Regional Office (PRO) Davao Region.

Ang Revitalized Pulis sa Barangay (R-PSB) Pañalum maoy miproseso sa dokumento sa 18 ka pares aron ma-avail ang kasal nga libre.

Agi'g pagpalig-on sa programa ug nahimong saksi sa seremonya, mismong si Davao City Police Office (DCPO) Director Colonel Kirby John Kraft ug ubang opisyales sa kapulisan mitambong sa kalihukan.

Gipanghatagan og giveaways, regalo, food packs ug cakes gikan sa stakeholders ug ubang ahensiya sa gobyerno ang 18 ka paresan.

Nailhan ang Paquibato District nga dunay dapit nga hayan dunay mga presensiya sa rebeldeng grupo.

Ang aktibidad kabahin sa Executive Order 70 kun National Task Force to End Local Communist Armed Conflict. (Jeepy P. Compio)