USA ka 8-anyos nga batang lalaki ug laing usa pa ka 9-anyos nga bata ang nadisgrasya sa usa ka swimming pool sa usa ka beach resort sa Talomo District, Davao City alas 9 sa buntag niadtong Dominggo.

Usa ka alyas Joshua ang nabangalan sa mga kabanay nga naglutaw nalang sa tubig kinsa daling gitabangan, ug maayo nalang nasalba ang kinabuhi.

Ikaduhang biktima mao ang usa ka Carlo, kinsa giingong mikatkat sa sliding ladder apan disgrasya kining nadalin-as ug nahulog sa tubig maayo nalang wala sa semento.

Subay sa report kauban sa mga biktima ang iyang pamilya nga miuban sa panon sa usa ka bansagon sa ilang barangay.

Gisubay na sa Talomo Police Station ang mga safety measures sa maong beach resorts diin kung mapamatud-an nga nagkuwang sila, hayan nga mapasakaan sila og reklamo.

Anaa na sa luwas nga kahimtang ang kinabuhi sa duha ka bata. (Richy F. Nalagon)