TARAGONA, Davao Oriental -- Anaa sa 10,000 ka mga punoan sa marijuana ang gipanglarot sa awtoridad atol sa gikasa nga operasyon sa duha ka giingong marijuana plantation didto sa Sitio Pagbaluyan, Barangay Tubaon sa nahisgutang lungsod.

Mismong ang mga sakop sa Regional Special Operation Group (RSOG) ug Regional Drug Enforcement Unit-Davao ubos sa pagdumala ni Police Lieutenant Colonel Ronald Lao sa pagpanguna nila Police Lieutenant Welquin Enciso ug Police Lieutenant Louie Balmori ang mironda sa dapit.

Pipila ka oras, naabot sa operatiba ang plantasyon sa marijuana nga giingong giatiman sa usa ka Jorel Malintad ug Alejandro Magandam kinsa giingong nakadagan ug nakasibat atol sa pag-abot sa awtoridad sa dapit.

Sumala ni Lao, pasakaan gihapon og kaso ang mga nahisgutan didto sa korte. (Jeepy P. Compio)