SIKOP sa Toril Police Station ang duha ka senior citizen ug laing usa pa human nagdula og "tong-its" alas 3:15 sa hapon niadtong Biyernes, Oktubre 16, 2020, didto sa Barangay Alambre, Toril, Davao City.

Sa impormasyon gikan sa acting station commander sa presinto otso, Police Major Michael Uyanguren, pulos 60 anyos ang duruha samtang ang usa 55 anyos, ug sila pulos nagpuyo sa Talomo District ning siyudad.

Mokabat sa P220 nga pusta ug baraha ang nakumpiska sa posisyon sa mga dinakpan.

Ang operasyon bunga sa gipakusgan nga kampanya sa kapulisan batok ilegal nga sugal.

Giproseso na sa kapulisan ang pagpasaka og kasong kalapasan sa Presidential Decree 1602 kun illegal gambling law ang atubangon sa mga dinakpan didto sa korte. (Jeepy P. Compio)