NASIKOP ang tulo ka mga tinun-an kinsa gikonsiderar nga anaa sa drug watchlist sa Police Regional Office (PRO)-Davao region atol sa duha ka dungan nga operasyon sa kapulisan niadtong Biyernes, Agusto 23, 2019 sa Camp Sgt. Quintin M Merecido, Davao City.

Alas 10 sa gabii, nasikop sa Toril Police Station ang suspek nga si Seth Gabrielle Consuega Uzman, alyas Seth, 22-anyos, estudyante sa koliheyo ug residente sa Blk. 37, Lot 2, South Villa Heights, Catalunan Grande.

Ang suspek nasikop sa Bangkal Petron, Talomo District, diin nakuhaan og pinaugang dahon sa marijuana nga mokantidad og P1, 300.

Sa Sta. Ana Police Station, sikop sab ang duha ka mga estudyante nga sila si Boven Eyan Toribio Pajaron, alyas Mobin, 22, ug residente sa Purok 10, Barangay 76-A, Bucana; ug usa ka Kyle Vincent Basong Fonte, 19, kinsa residente sa Blk. 39, Lot 18, Phase 2, Deca Homes Tacunan.

Sa Roxas Avenue, Barangay 32-D, Poblacion nasikop ang duha ka suspek human kini nakuhaan og gituohang shabu nga dunay street value nga P1,000.

“We will continue to go after these criminals involved in the proliferation of illegal drugs especially those who influenced our students to engage in drug selling," ingon ni PRO-Davao region director Police Brigadier General Marcelo C Morales. (Jeepy P. Compio)