NALIPAY na karon ang mga mananagat gumikan mahuman na ang "3-month closed fishing" season nga gipatuman sa Department of Agriculture-Bureau of Fisheries and Aquatic Resources (DA-BFAR) sa tibuok nasud.

Karong semanaha sa bulan sa Enero mahuman na ang closed fishing season agi'g paghatag og higayon sa isda nga "galunggong" nga makapadaghan.

Gikan Nobyembre 1, 2021 hangtud Enero 31, 2022, gipatuman sa DA-BFAR sa tibuok nasud ang closed fishing season, apan luyo niini, pipila ka mga gagmay'ng mangingisda mitiyabaw gumikan kinahanglan nila mangita og laing panginabuhian hulip sa pagpanagat.

"Naa man hinuon programa ang gobyerno, pero mahurot sab lagi dayon, dili nasustinir sa tulo ka bulan nga di mi papangisdaon," saysay ni Rogelio Jabalon, 51-anyos, mananagat nga taga Barangay Matina, Aplaya sa Davao City.

Luyo sa maong suliran, minihit sab ang supply sa galunggong, butang nga nahukman sa DA nga moangkat og imported nga mga galunggong nga posibleng gikan sa nasud China ug sa Vietnam.

Gipasalig sa DA nga dunay bastante nga supply apan mitaas gamay ang presyo niini subay sa taas nga panginahanglan base sa presyo niini nga nagdula sa P180 ngadto P250 matag kilo.

Sa usa ka hamubo nga press conference sa Davao City sa miaging adlaw, gibutyag ni kanhi DA secretary Emmanuel "Manny" Piñol nga usa sa mga problema unya nga tagdon mao kining pagtubag sa mga panginahanglanon sa mga mananagat nga bastante sulod sa tula ka bulan nga pagpatuman sa closed fishing season.

Giingon sab ni Piñol sa panahon sa pagnihit sa supply sa galunggong nga puwede nga moangkat og isda sa laing nasud apan ibalanse kini ug di saligan ang pag-angkat, diin kinahanglan suma pa nga i-institutionalize kini sa gobyerno.

Dagkong hatcheries suma pa ang maayong pundohan sa gobyerno sa pakig-alayon sa dagkong mga negusyante aron dili magkaproblema sa supply sa galunggong sa panahon nga monihit kini.

Bisan mas gipakusgan sa DA ang ilang programang Oplan ISDA diin nagtumong sa pag-establisar og lig-on nga direktang koordinasyon tali sa mga prodyuser ug mga tigbaligya sa mga palalitong isda ug paghatag og dugang suplay sa barato nga presyo sa National Capital Region ug uban