GIDAWAT sa tulo ka Panaboans niadtong Hulyo 15, 2022 ang Honesty Award gikan kang City Mayor Jose E. Relampagos tungod sa ilang gipakitang maayong buhat pinaagi sa pag-uli sa mga nawala nga dokumento nga ilang nakit-an.

Ang gipasidunggan mao sila Junito M. Subteniente nga usa ka tricycle drayber, Estefanio B. Reambonanza nga usa usab ka tricycle drayber nga taga Barangay San Francisco, ug Maricel G. Gudin nga taga Barangay J.P. Laurel kinsa pulos ni-turn over og importanteng mga dokumento ug mga papeles sa City Administrator's Office (Cado) aron nga mauli ngadto sa mga nanag-iya niini.

Wala magduha-duha og uli ang mga Panaboans sa mga butang nga ilang nakita kay matud pa nila, "dili lalim ang mawalaan og gamit."

Sa gamay'ng butang nga pag-uli sa maong mga gamit, dako na kining katumanan sa ilang kamaayong tawo.

Gitunol ni Assistant City Administrator Brenda A. Sauping isip representante ni Mayor Relampagos ang Certificate of Recognition ug bugas nga dugang pahalipay sa mga honest Panaboans. (PR)