UPAT ka mga lalaki ang nasikop sa duha ka managlahing buy-bust operation sa pagpamaligya og krudo, Septyembre 22, 2021, didto sa Barangay Catalunan Pequeño ug Barangay Tamugan, Davao City.

Ang mihimo sa operasyon mao ang sakop sa Davao City Police Special Operation Group/City Drug Enforcement Unit, diin gipang-ila ang mga dinakpan nga sila Alfredo Tale, 36, Erik John Tale, mag-igsuon; Marivic Alcos, 38, ug Lezter Rhod Navarro, 31.

Sumala ni Police Major Reuben Libera, ang mga nahisgutan nakalapas sa illegal proliferation of diesel fuel subay sa report sa usa ka concerned citizen.

Nakuha sa posisyon sa mga dinakpan ang mga ebidensiya nga ginalon nga diesel.

Giandam na ang pagpasaka og kaso batok sa mga dinakpan didto sa korte. (Jeepy P. Compio)