MIABOT sa 5,000 ang mitambong sa selebrasyon sa Eid'l Fitr nga gihimo sa Tionko Football Field, Ecoland, Davao City, Biyernes, Hunyo 15.

Si Sheik Nasser Datumanong, general manager sa Mercy Islamic Foundation, misulti sa iyang sermon nga alang kang Allah way dakong sala ug gipahinumdom ang iyang kauban nga Muslim nga magrespeto sa usag-usa ug tumanon ang tinudlo sa Islam.

Si Datumanong ang usa sa mga speakers sa usa ka panagtapok sa pagtapos sa Ramadan.

Ang Ramadan ang usa ka bulan nga ang mga Muslims sa pagpuasa ug pagpadayon sa paghimo og maayong binuhatan.

"Nais po sana naming sa selebrasyon na ito na lalo pang mapaigting ang mga magandang relasyon ng mga Muslim sa lahat ng parte ng mundo sa lahat ng mga Muslim especially dito sa Pilipinas na magkaisa lahat ng mga Muslim na magkaroon sila ng isang puso na nakakaramdam ng saya, nakakaramdam ng lungkot na maging malakas ang kapatiran," pahayag ni Datumanong.

Dugang niya nga gusto niya pinaagi niining selebrasyon nga ang kalinaw magpadayon alang sa tanan, Muslim o dili.

Nagpasalamat sab siya sa lokal nga gobyerno sa Davao City sa pag-akomodar sa mga Muslims ug pagpaniguro sa seguridad sa Tionko Field atol sa pagsimba sa buntag.

Sila Maranao Tribe deputy mayor Randy Usman ang usa sa mga mitambong nga miingon nga ang Ramadan nagpasabot og aplikasyon sa tanan nakat-onan sa tudlo sa Islam.

Niya pa nga ang bag-ohay nga demolisyon didto sa Salmonan, Quezon Boulevard, nahitabo atol sa Ramadan ug nakita nila ang kalig-on sa matag pamilyang Muslims.

Gawas sa lokal dinhi sa siyudad, ang panagtapok gilangkuban sab og nagkadaiyang nasyunalidad lakip na ang mga Indiano nga nagpuyo dinhi sa Davao City. (Karina V. Cañedo)