DALING nakasibat nga miambak sa bintana ang usa ka asawa human naapsan sa bana nga mipatong sa laing lalaki Lunes sa kaadlawon, Septiyembre 16, sa Barangay Matina Aplaya, Talomo District, dakbayan sa Davao.

Sa impormasyon gikan sa Talomo Police Station, daw mora’g iring nga perteng nakaambak pagawas sa bintana sa usa ka tailoring shop ang asawa nga si Marites, 46-anyos.

Una niini, gisundan sa bana nga si Benito, 53-anyos, taga Cabaguio, Barangay Paciano Bangoy, Davao City ang iyang asawa dihang sexy ug napuno sa foundation powder ang nawong niini.

Pag-abot sa usa ka eskena sa Barangay Matina Aplaya, misulod sa tailoring shop ang iyang asawa, diin dangtan og upat ka minuto, gilili sa bana kung unsay gipatahi sa iyang asawa.

Sa kalit, daw nahugno ang kalibutan sa bana dihang iyang nakita nga perteng patong sa iyang asawa sa sastre nga si Roger, 45-anyos.

Aron dili suma pa kaikyas ang iyang asawa, kalit niyang giubos ang pultahan nga roll-up door sa tailoring shop, apan dihang namatikdan sa asawa nga iyang bana ang naa sa gawas, kalit kining miambak sa bintana ug midagan sa likod nga bahin sa shop ug wala na igkita.

Ang lalaki na lang ang nasikop sa kapulisan kinsa kasamtangan karon nga gibalhog sa selda sa Talomo Police Station.