GIPANIGURO sa mga miyembro sa Davao City Ancillary Services Unit (ASU) nga walay mga vendors nga mobabag sa sidewalk sa mga sementeryo karong umaabot nga Kalag-Kalag aron hapsay ang agianan sa katawhan.

Kini ang gibutyag ni Paul Bermejo, ASU chief nga ilang paniguraduhon nga walay mga tindahan nga mobabag sa mga agian, inay ilaha kining iplastar sa usa ka lugar.

“I’m sure that the vendors have already prepared their stalls at this time, so we will make sure that the structures they built will give way to those who will be visiting their loved ones in the cemetery,” ingon ni Bermejo.

Dugang sa opisyal nga kini sab ang usa sa mga hinungdan sa pagguot sa trapiko, samtang sa laing bahin momuntar sab sila og quick response team aron maoy mag-monitor sa mga Sam-ang ning dakbayan.

“We understand that it is their means of living, but we appeal to them not to obstruct the roads,” dugang pahayag sa opisyal pinaagi sa City Information Office (CIO).

Nagpahimangno sab si Bermejo sa katawhan nga makanunayon ang kahinlo sa mga sementeryo ug kinahanglan responsabli sa mga butang nga ikaayo sa kadaghanan samtang naghandom sa mga mahal sa kinabuhi nga mipanaw sa laing kalibutan. (Jeepy P. Compio)