NAGBUTANG og laing team sa mga medical technicians ang Davao City Covid-19 Task Force sa Los Amigos Molecular Laboratory human gi-quarantine ang mga staff tungod sa usa ka personahe nga nagpositibo sa coronavirus ug na-expose sa iyaha ang iyang mga kauban.

Sumala ni Covid-19 Task Force Spokesperson Dr. Michelle Schlosser nga aron dili madelatar ang mga trabaho, kinahanglan nga pulihan og laing mga staff aron nga dili matanggong ang pagproseso sa mga swab sample bisan og limitado ang ginahimong testing.

Dugang ni Schlosser, priority sa testing sa Los Amigos Molecular Lab ang mga F1 o mga directly exposed sa Covid-19-positive ug ang mga dunay influenza-like illness sama sa ubo, sip-on, ug kalintura. (Jeepy P. Compio)