USA ka makuti nga imbestigasyon ang gihimo sa Tugbok Police Station sa pagpusil-patay sa usa ka binabaye sa alas 12:30 sa udto, Hunyo 12, 2021, didto sa Purok 4, Relocation Site, Los Amigos, Tugbok, Siyudad sa Davao.

Giila sa Tugbok police ang biktima nga si Allan Sabardan, 47-anyos ug residente sa dapit.

Sa pasiunang imbestigasyon sa kapulisan migula nga gisulod sa mamumuno ang biktima sa iyang balay diin human sa krimen abtik sab kining misibat.

Nakahiagom og mga samad pinusilan sa agtang ug liog nga bahin ang biktima nga maoy hinungdan sa hinanaling kamatayon niini.

Sa kasamtangan, gipahiluna na sa mga kabanay ang patay nga lawas sa suspek samtang ang kapulisan padayong naghimo og imbestigasyon sa hitabo.

Giingong napriso na ang biktima sud sa trese ka tuig human nalambigit sa ilegal nga druga. (Jeepy P. Compio)