TINGKAGOL sa prisohan ang usa ka call center agent human namaligya og shabu sa nagtakuban nga pulis sa Ecoland Police Station sa Davao City Police Office alas 11 sa gabii niadtong Biyernes, Hunyo 11, 2021.

Kasong pagsupak sa Republic Act 9165 kun Comprehensive Dangerous Drugs Act of 2002 ang giatubang kaso batok sa suspek nga si Hernert Jocel Caramonte Arcenas, alyas Herbert, 46-anyos, minyo ug residente sa Cabantian, Buhangin, Davao City.

Nakuha sa posisyon sa suspek ang upat ka pakite nga dunay shabu nga mokantidad og P4,000, mga drug paraphernalia, usa ka cellphone, cash nga P500 ug ang marked money nga P500.

Sumala sa Ecoland PNP notadong tigpayuhot og druga ang suspek sa Matina Aplaya area ug dugay na sab nga gipanid-an sa kapulisan hangtud nga nakigtransaksiyon na kini sa usa ka poseur buyer. (Jeepy P. Compio)