SIKOP sa mga awtoridad ang usa ka criminology student ug usa ka sundalo human namaligya og ilegal nga druga sa nagtakuban nga kapulisan.

Unang nasikop mao si PA SSgt. Paolo Pingkian Plasabas, alyas Bogart, 47, usa ka kanhi sakop sa Philippine Army, ug residente sa Mandug, Davao City.

Si Plasabas nasikop sa operatiba sa Talomo Police Station human nakig-transak nga mobaligya’g shabu ug marijuana.

Dihang nagpositibo kini, gilayong giposasan sa mga pulis ug nakuha sa iyang posisyon ang mga ebidensiya nga druga, selpon ug marked money.

Sikop sab ang usa ka criminology student nga si Mars Jireh Quizo Sevilleno, alyas Jayboy, 22, nagpuyo sa Purok 12, Brgy. 31-D ning siyudad.

Mga pakite sa gituohang shabu ang nakuha gikan sa iyang posisyon.

Hinuon wala mihatag og pamahayag ang mga dinakpan human sila masikop.

Kasong pagsupak sa Republic Act 9165 kun Comprehensive Dangerous Drugs Act of 2002 ang ipasaka nga kaso batok sa duruha didto sa korte. (Jeepy P. Compio)