BALHOG sa Talomo Police Station ang usa ka lalaki kinsa gisikop sa kapulisan human gireklamo kay mikalit kini'g sulod sa kuwarto sa usa ka balay sa S.I.R New Matina, Davao City, Lunes sa kaadlawon, Enero 21.

Usa ka alyas Marissa, 23, residente sa dapit, ang mireklamo ug nanawag og pulis human kalit lamang misulod sa iyang kuwarto ang usa ka Roger, 38, nagpuyo sa Sunrise, Barangay Matina Aplaya, siyudad sa Davao.

Giingon nga puwerteng lisanga sa babaye human iyang nakita ang maong lalaki nga misulod sa iyang kuwarto nga dunay dala nga kutsilyo.

Atol sa hitabo, puwerte nga siyagit sa biktima, hinungdan nga girespondehan siya sa iyang mga kaubanan sa balay ug nasikop ang suspek.

Taud-taod, miabot ang mga pulis, hinungdan nga gisikop ang suspek ug gidala sa Talomo police station.

Nasayran nga lango sa ilimnong makahubog ang biktima. (Richy F. Nalagon)