ANG Eastern Mindanao Command (Eastmincom) hugot nga nag-monitor sa mga kandidato kinsa alegasyong nagahatag og suporta sa New People’s Army (NPA).

Si Eastmincom spokesperson Lt. Col. Ezra Balagtey, nagbutyag nga ilang i-monitor ang mga lugar kung duna bay mga politiko nga nagasuporta sa NPA kinsa mihatag og salapi alang sa “permit to campaign” ug “permit to win”.

“I have to talk with the intelligence natin kasi wala pa akong natatanggap na information as far as Eastmincom is concerned,” ingon ni Balagtey sa pakighinabi sa dxDC RMN Davao.

Giingon ni Balagtey nga wala pa hinuon sila’y na-monitor nga mga politiko nga mihimo sa ingon.

Ang Eastmincom nagbutyag nga tumong lamang nila nga mapabilin ang kaluwasan sa katawhan ug gawasnon ang botante nga mobotar karong Mayo 13.

“Kung ano man yung mga information na ma-receive natin we’ll be coordinating it with the proper authority for proper action,” sa opisyal pa. (Richy F. Nalagon)