DEAD on the spot ang usa ka lalaki kinsa gidunggab sa iyang giluba sab sa milabay nga mga tuig alas 5:50 sa gabii niadtong Dominggo, Disyembre 8, sa San Isidro Labrador, Barangay Agdao Proper, Davao City.

Ang biktima mao si Mark Jun Pasajoras Lacaba, 32, pintor ug molupyo sa San Isidro Labrador, Barangay Agdao Proper samtang ang suspek mao si Aldrin Bani-og Ballares, alyas Tata, 44, silingan ra sab sa biktima.

Saysay sa testigo nga nagkomprontahay ang duha diin pipila ka minuto giluba na sa suspek ang biktima.

Una niini, nadungog pa sa testigo nga nangayo og pasaylo ang biktima ngadto sa suspek sa gihimo niining pagdunggab sa suspek sa milabay nga mga katuigan.

Wala nanumbaling ang suspek sa pagpangayo og pasaylo sa biktima diin iya kining gidunggab sa makadaghang higayon nga miresulta sa kamatayon niini.

Ang kutsilyo nga ebidensiya giindorso na ngadto sa Regional Crime Laboratory Office (RCLO-Davao City).

Samtang ang suspek gilayong misibat human sa hitabo samtang ang biktima gihaya na sa iyang pamilya.