PAKYAS ang plano sa usa ka alyas Jay-ar, 28-anyos, taga Makilala, North Cotabato nga iyang ipasulod ang pinaugang dahon sa marijuana sa Dakbayan sa Davao.

Nadakpan sa mga sakop sa Toril Police Station ang suspek human kini gihandos kanila sa Task Force Davao Sirawan Checkpoint alas 2 sa hapon, Huwebes, Septiyembre 9, 2021.

Sumala ni Toril Police Station commander Major Michael Uyanguren nga hugot kaayo ang pagrekisa sa mga sakop sa Task Force Davao sa mga mosulod sa siyudad ilabi pa kung kadudahan ang lihok sa usa ka tawo.

Giandam na ang kaso nga ipasaka batok sa suspek didto sa korte.