GITAGUD-TAGUD nga parte sa lawas sa usa ka lalaki ang napalgang naglutaw-lutaw sa duha ka managlahing dapit sa Island Garden City of Samal (Igacos).

Sa report nga nahagpat sa Superbalita, usa ka putol nga tuong tiil ang nakita alas 7:45 sa buntag, Hulyo 23, samtang naglutaw-lutaw sa kadagatan sa Purok 1 sa Barangay Limao Igacos.

Samtang pagka-ala 8:30 sa buntag, laing parte sa lawas nga giingong walang bahin sa pelvic bone padung sa tiil ang nakita sa may wharf sa Costa Marina sa samang barangay.

Sa gihimong post mortem examination ni Dr. Petronila D. Ferrer, nasayran nga ang parte sa lawas gipanag-iyahan sa usa ka lalaki.

Gihulagway nga anaa na kini sa state of decomposition.

Padayon pa sab ang pagpanubay sa kapulisan kung kinsa ang nanag-iya sa gitagud-tagud nga lawas sa tawo. (Rhona Goc-ong-Villariasa)