GITIN-AW sa kampo ni Presidential Aspirant Ferdinand “Bongbong” Marcos Jr. nga walay kamatuoran ang mga nanggawas nga balita batok kang BBM, human nga nibibo ang social media sa mga isyu batok kang Marcos, labi pa nga gibasura sa Commission on Elections (Comelec) ang unang disqualification complaints batok niini.

Sa hamubo nga virtual press conference niadtong Martes sa buntag, Enero 18, 2022, uban sa mga miyembro sa media sa Cagayan de Oro City ug Davao City, gitin-aw sa tigpamaba ni Marcos nga si Atty. Victor Rodriguez nga walay kamatuoran ang nanggawas nga mga isyu batok kang Marcos Jr.

"Yung kumakalat at paglaganap ng fake news, mga false information, at yun ay fake allegation lamang kay Ferdinand Bongbong Marcos Jr." ingon ni Rodriguez.

Una niini, alegasyong gibida sa kampo ni Marcos ang moabot sa P38 milyon nga gidonar ngadto sa naapektuhan sa Bagyong Odette, apan ang giingong tabang didto suma pa gitunol sa kaalyado ug mga kapartido lamang niini sa politika, wa suma pa sa tawo.

Migawas sab sa social media nga giingong ang panahon sa amahan niini nga si Ferdinand Edralin Marcos Sr., usa ka "Golden Years" sa Pilipinas, apan gilimod kini sa kadagkoan sa simbahang Katolika sa nasud.

"To change that narrative... it is not just an alternative narrative, but a blatant lie," ingon sa usa ka opisyal sa simbahan atol sa Global Grand Breakfast forum sa Brotherhood of Christian Businessmen and Professionals.

Apan sumala ni Rodriguez, "Yung mga history books natin ay naririyan, basahin ninyo, tingnan ninyo, at bumuo kayo nga sarili ninyong opinyon o paniniwala... kung hindi maniwala ng kausap, eh wala hung sapat na paliwanag doon sa ayaw'ng mapaliwanagan, at hindi po namin kayang paniwalain yung tao na sadyang ayaw maniwala."

"It is every bit morally wrong," pintok nga pahayag sa usa ka lider sa simbahan atol sa forum.

Dugang sa opisyal sa simbahan atol sa forum nga sa panahon sa martial law, tataw nga napugngan ang kagawasan sa pamahayag.