COTABATO CITY -- Mosandig ang Moro Islamic Liberation Front (MILF) sa gimugna nga Bangsamoro Transition Authority (BTA) sa ilang pagdetermina sa Bangsamoro Autonomous Region in Muslim Mindanao (BARMM).

Kini human giangkon ni MILF peace implementing panel chairman Mohaguer Iqbal, kinsa miyembro sab sa BTA, nga kulang ilang kahibalo sa pagpadagan sa paggobyerno sa BARMM.

Gumikan kulang ang MILF sa kasinatian sa governance management mao nga mokuha sila og mga eksperto nga motabang sa pagpadagan sa panggobyerno nga isalig kanila base sa balaod.

Gidugang ni Iqbal nga gumikan hanas ang ilang pundok sa pakiggubat, mosandig sila sa mga eksperto sa governmental management aron mahaw-as sa kakabus ang rehiyon.

Kahinumdoman nga gihulat na lamang nila nga mapirmahan ni Pangulong Rodrigo Duterte ang ilang appointment documents human sila nanumpa isip mga miyembro sa BTA niadtong miaging semena sa Malacanang.

Nanawagan si Iqbal sa mga supak sa BARMM nga suportahan na lamang sila imbis batikuson. (Edgar E. Fuerzas)