DIGOS CITY, Davao del Sur — Sikop sa buy-bust operation ang gikonsiderang Regional Priority Target No. 10 ug high-value individual atol sa gikasa nga operasyon sa Digos City Police Station alas 3:40 sa hapon niadtong Martes, Hunyo 8, 2021, didto sa Purok 4, Barangay Aplaya.

Sumala sa report, usa ka 30 anyos ang suspek kinsa residente sa Purok Bombil, Barangay Kiagot, Digos City.

Nakuha sa posisyon sa dinakpan ang usa ka pakite sa gituohang shabu nga dunay street value nga P4,350 ug ang cellphone nga gigamit sa transaksiyon.

Gihikay na sa kapulisan ang pagpasaka og kasong pagsupak sa Republic Act 9165, kun Comprehensive Dangerous Drug Act of 2002 batok sa suspek didto sa korte. (Jeepy P. Compio)