PARANG, Maguindanao Province -- Grabe ang kahimtang sa mag-uuma nga misulay og kutlo sa kinabuhi alas 11 sa gabii niadtong Lunes, Marso 18.

Sumala pa nga nasubo si Joseph Manuel, 27, molupyo sa Barangay Guiday sa nahisgutang lungsod human nakahatag og kantidad P30 mil ngadto sa wala mailhi nga mangingilad sa scam sa text.

Misamot ang gibati nga depresyon ni Manuel gumikan apil ang iyang binuhing karabaw sa uma, nabaligya aron idugang sa gipangayo nga kuwarta sa mangingilad.

Matud ni Gemma, asawa ni Manuel, nga nakit-an na lamang niya ang iyang bana nga nagbitay sa ilang kusina gamit ang habol nga gihikot sa iyang liog.

Dali nga gitabang ang mag-uuma ug gidala sa iyang pamilya ngadto sa Parang District Hospital apan gibalhin dayon kini sa Cotabato Regional and Medical Center ug anaa sa grabeng kahimtang.

Samtang, nanawagan si Parang Mayor Ibrahim Ibay sa katawhan nga magbantay ug dili magpailad sa mga tawo nga nalambigit sa mga dautang aktibidad. (Edgar E. Fuerzas)