MAGSAYSAY, Davao del Sur -- Sikop ang usa ka top 10 Most Wanted Person sa Magsaysay Municipal Police Station (MPS) sa kasong lugos.

Hulyo 22, 2021, mga alas 12 sa udto, nasikop ang suspek nga si alyas Pedot, 31, didto sa Purok 6 Sitio Blasan, Barangay Malawanit, Magsaysay, Davao del Sur.

Sumala sa Magsaysay MPS, anaa sa rank 10 Municipal Level ang suspek kinsa dunay warrant of arrest sa kasong lugos nga gipagula ni Hon. Judge Carfelita Cadiente-Flores sa Regional Trial Court 11 Branch 21 sa Bansalan, Davao del Sur.

Ang suspek dunay kasong lugos nga dunay docketed under Criminal Case Number: XXI- 2582(21) nga walay girekomenda nga piyansa.

Sa kasamtangan, ang suspek balhog sa selda sa Magsaysay MPS kinsa naghulat sa sunod mando sa korte labot sa iyang kaso. (Jeepy P. Compio)