Balita

Nikatkat sa lubi, niinom’g hilo

Sunnexdesk

TACURONG CITY -- Patay ang usa ka mananggiti human niinom og hilo sa taas mismo sa punoan sa lubi alas 2 sa hapon niadtong Huwebes, Disyembre 25, sa probinsiya sa Sultan Kudarat.

Giila ang biktima nga mao si Arturo Tukor, 47, minyo, molupyo sa Purok 1A, Barangay Poblacion, Isulan sa nahisgutang probinsiya.

Sumala sa mga paryente sa biktima nga ilang namatikdan nga nagmasulob-on ang biktima nga miuli sa ilang balay gumikan sa personal nga problema sa iyang pamilya.

Apan, subli nga mibalik si Tukor sa iyang uma ug wala na makauli sa ilang balay.

Sa dihang giapas sa iyang anak, dako na lamang ang ilang kakurat gumikan didto na kini sa taas sa lubi ug wala na mitubag sa diha nga ilang gitawag.

Gisaka sa mga sakop sa Bureau of Fire Protection (BFP) ug rescue group sa Isulan ang biktima sa taas sa lubi ug didto nakompirma nga patay na si Tukor nga nag-inom og hilo nga gamit sa pagpatay og mga insekto sa basakan.

Gawas sa personal nga problema sa pamilya, duna sab diay gihambin nga sakit ang biktima nga posibleng maoy hinungdan sa pagkutlo sa iyang kinabuhi.

Way nakitang foul play ang kapulisan sa kamatayon sa biktima sa dihang gihimo ang imbestigasyon. Edgar E. Fuerzas

Screenshot from CCTV footage

Gunman in radio broadcaster’s murder nabbed

PNP tags brother in death of 14-year-old girl from Talisay

Hontiveros urges DFA to cancel Quiboloy’s passport

Chinese Navy ships monitored amid ongoing Balikatan off Palawan

City Council urges MCWD to address Buhisan dam desilting