SUKWAHI sa naandan sa miaging katuigan nga imbitado ang mga rebeldeng New People's Army (NPA) sa Araw ng Dabaw, apan ning tuiga di na sila imbitahan.

"I will not invite them," sulti ni Mayor Sara Duterte-Carpio, kinsa mipasabot nga di niya kini himuon kay basin maapil siya sa listahan sa kapulisan nga nisuporta sa kaaway sa gobyerno.

Hinuon, giingon sa mayor nga abli gihapon ang pultahan sa gobyerno alang sa lokal nga hinabing pangkalinaw.

Sa miaging katuigan, ilabi na sa panahon ni kanhi mayor ug karon Presidente Rodrigo Duterte, imbitado ang mga sakop sa NPA dinhi sa siyudad aron magsaulog sa Pasko ug Araw ng Dabaw.

Apan tungod kay gikonsidera na silang mga terorista sa gobyerno, di na mahimo nga makalingaw-lingaw sila sa siyudad.