GIPAHIMANGNUAN sa Department of Social Welfare and Development (DSWD) Davao Region ang publiko batok sa mga grupo, organisasyon o indibiduwal nga mangayo og donasyon nga gamit ang pangalan sa ilang ahensiya.

Kini mismo ang giluwatan nga pahayag ni DSWD Davao Regional Director Loreto Cabaya Jr.

Gitambagan sa ahensiya ang mga lungsuranon nga seguruhon nga ang nangayo og donasyon adunay permiso gikan kanila o pagtugot sa usa ka charity. Makita kini sa website nga standards.dswd.gov.ph.

Gipahinumdoman usab sa ahensiya ang mga lungsoranon nga para sa dugang updates ug technical assistance, mahimo silang moadto sa pinakaduol nga DSWD Office.

Makapangayo sab sila og tabang sa media accounts sa DSWD @dswdserves sa Facebook, Twitter ug YouTube. Nagpahimangno sa DSWD Davao Region sa publiko, "Basta lisensyado, lehitimo gyud. Seguradong gipanalipdan ang benepisyaryo."