Balita

Panty gisikwat sa silingan

Richy F. Nalagon

NAGPUNGASI ang usa ka misis nga nagpatala sa Bunawan Police Station human iyang nasakpan nga pipila sa iyang mga hinayhay nga sanina nangawala.

Usa ka Nancy (bansagon gitago), 35-anyos, nagpuyo sa Bucana, Bunawan District, Davao City ang nagpa-blotter sa Bunawan PNP batok sa iyang silingan nga si Mario, biyudo, walay anak, 48-anyos, usa ka mananagat.

Sumala pa nga halos duha ka semana nang magsige og kawalaan og sanina si Nancy ug ang pipila ka mga panty niini.

Subay sa blotter, gihiringan ni Nancy og halos mag-duha ka oras gikan alas 7:00 sa buntag hangtud alas 9 sa buntag kun kinsa gayod ang tigpanguha sa iyang mga hinayhay.

Alas 8:10 a.m. niadtong Sabado, Marso 30, misiga ang mata ni Nancy dihang iyang silingan ra diay nga si Mario ang tigpanguha.

Unang gibira ni Mario mao ang puti nga t-shirt sa biktima ug ang underwear niini.

Gilayong gikumpronta ni Nancy si Mario ug didto nakita ni Nancy ang iyang trese ka mga t-shirt, duha ka mubo nga shorts, ug pito ka panty.

Depensa ni Mario nga wala siya masayod kinsay nagsulod sa mga gamit ni Nancy sa iyang balay niadtong Sabado.

Apan, giangkon niini nga dihang miulan sa miaging semana gumikan sa Bagyong Chedeng, iyaha nalang gihipos ang mga hinayhay ni Nancy.

Ang maong kaso anaa na sa barangay aron didto sila mahusay.

Buhisan Dam.

City Council urges MCWD to address Buhisan dam desilting

'Muddy water' irks some residents

Piston Cebu skips transport strike for 2nd time, plans rally against PUVMP outside LTFRB 7

DILG allows police, jail, fire personnel to wear light uniforms due to summer heat

Defense chief: PH didn't sign any contract with China concerning Ayungin Shoal