NAGHINAY-HINAY na sa pag-ubos ang presyo sa durian sa mga nag-unang fruit stand sa Davao City, Dominggo, Agosto 11, 2019.

Gikan sa presyo niini nga P70 matag kilo sa ikaduha ngadto sa katapusang semana sa Hulyo, kini anaa na sa tag P40 matag kilo sa unang semana sa Agosto.

Magdepende gihapon sa variety ang presyo sa durian, apan mas patok karon ang mga tindahan nga naghanyag og “Durian Eat All You Can” nga anaa lamang sa P180.

Gipahibalo sa Magsaysay Park Fruit Vendors Association nga mo-ubos pa gyud ang presyo sa durian sa umaabot nga semana gumikan sa pagdaghan sa suplay niini.