PADAYONG gisusi karon sa kapulisan sa Midsayap Municipal Police Station ang pag-ambus sa usa ka pulis ug kauban niini alas 7:30 sa gabii niadtong Miyerkules, Enero 27, 2021.

Hinuon naangol lang si Police Sergeant Rolando Gamallo alyas Ian, 38, minyo, ug sakop sa Philippine National Police-Special Action Force (PNP-SAF) ug ang iyang kauban nga si Manuel Pintoy, pulos molupyo sa Barangay Poblacion 1, Midsayap.

Sumala kang Midsayap Chief of Police Lieutenant Colonel John Miridel Calinga nga sakay sila si Gamallo ug Pintoy sa Navarra pick up paingon sa manukan sa pulis.

Apan gi-ambus sila sa duha ka mga wala mailhing suspek nga nagtindog daplin sa kalsada didto sa Purok 5, Barangay Kimagango.

Maayo na lang kay dali rang nakaresponde ang mga pulis ug sundalo ug gitabang ang mga biktima ug gihatud ngadto sa Dr. Ramon Pisante Memorial Hospital sa Midsayap apan gibalhin dayon sa Kidapawan City Medical Specialist Hospital nga giingong talandugon ang kahimtang. (Edgar E. Fuerzas)