MIDONAR og P3 milyon ang SM Development Corporation (SMDC) isip sponsor sa himuong Kadayawan Festival karong Agosto sa Davao City.

Kini ang gibutyag ni Assistant City administrator for Administration ug Lawyer Tristan Dwight Domingo kinsa nagpasabot nga tima-ilhan lamang kini sa lig-on nga relasyon sa SMDC isip gikan sa pribadong sektor ngadto sa lokal nga kagamhanan sa dakbayan.

“This is a huge thing for our festival. This is the first time that SMDC is sponsoring us and this is the highest sponsorship so far,” ingon ni Domingo.

Suma ni Domingo nga mapasalamaton ang Dabawenyo sa SMDC human sa daghang mga taga Davao ang nakapahimulos sa ilang pagtrabaho nga maoy mahimong kabahin sa padayong paglambo sa dakbayan.

“We are looking forward to their help in the economy of Davao City as they invest here,” panapos ni Domingo. (Jeepy P. Compio/CIO)