SUBLING modalit og serbisyo ang Sun.Star Davao Publishing Inc., sa mga Super Suki niini, sa ika-19th Founding Anniversary sa SuperBalita Davao, karong Hulyo 24, 2018 didto sa Brgy. 22-C Covered Court, Piapi Boulevard, Davao City.

Ang mga serbisyo nga ihatud sa Superbalita mao ang Libreng Gupitan nga idalit sa ALB Academy of Beauty, Inc. ug ang Free Eye Screening sa Global Eye Care Center.

Gihangyo ang mga Super Suki nga "First come, first serve" lamang kini, diin sa atong Free Eye Screening dunay 50 ka mga priority numbers nga giandam samtang sa Libreng Gupitan dunay 100 ka mga priority numbers.

Magsugod ang programa alas 7 sa buntag ug mahuman kini alas 12 sa udto.

Dungan niini, ilusad sab sa Superbalita ang promo niini nga "Super B Inter-Barangay Singing Contest" nga nagdala og dagko nga mga papremyo.

Ang programa maoy kabahin sa kinasingkasing nga pagpasalamat sa Sun.Star Davao sa makanunayong pagbasa sa katawhan sa mantalaang 'Una ug Nag-una' diri sa Davao Region.