DAVAO OCCIDENTAL -- Gikahinaman na sa taga probinsya ang taliabot nga Annular Solar Eclipse nga makita sab sa ubang mga nasud sama sa Saudi Arabia, Qatar, United Arab Emirates (UAE), Oman, India, Sri Lanka, Malaysia, Indonesia, Singapore, Northern Mariana Islands, Guam karong Disyembre 26.

Gibutyag sa Philippine Atmospheric Geophysical and Astronomical Services (PAG-ASA) nga nindot masaksihan ang tibuok eklipse sa Balut ug Batulaju, sa Sarangani Island ning probinsya.

Samtang, matud sa Pagasa nga partial lang nga masaksihan ang ekslipse sa ang ubang parte sa nasud sama sa Manila ug Quezon City, National Capital Region sama sa Aparri, Cagayan; Laoag, Ilocos Norte; Legazpi City, Albay; Puerto Princesa, Palawan; Mactan, Cebu ug General Santos City.

Gihulagway sa weather state bureau nga ang Annular Solar Eclipse mahitabo kung layo ang buwan sa kalibutan.

"Due to its distance, the moon will not be able to block the entire view of the sun, thus, creating a "ring of fire" effect," asoy sa Pagasa.

Matud ni Harry Camoro, pangulo sa Provincial Disaster Risk Reduction and Management Center, nga hayan daghang molupyo sa ilang lalawigan ang malingaw pagsud-ong sa talagsaong eklipse.