GIAGNI karon sa Davao City Health Office (CHO) nga magpa-register pag-usab ang mga Dabawenyo nga wala nakaabot sa schedule sa ilang second dose.

Sumala sa CHO nga makig-alayon lang sa ilang mga health centers para sa ilang sunod nga schedule sa ikaduhang dose sa bakuna.

Sumala ni Dr. Aldrich So, ang district health physician and Vaccine Cluster representative sa CHO, nga kini kadtong mga nakalimot sa schedule sa ilang ikaduhang pagpabakuna, mga nataptan sa Covid-19 human sa unang dose sa vaccine ug kadtong busy sa trabaho.

Sa mga nataptan sa sakit nga Covid-19 human sa unang dose, kinahanglan usa magparekober ug nahuman ang 14 days quarantine ayha magpabakuna sa second dose.

Sa mga buot magpa-schedule sa ilang second dose, puwede motawag sa Vaccination hotlines: Smart Hotline: 0961-073-4965 / Globe Hotline: 0927-022-9087. (Jeepy P. Compio)