MAS istrikto karon ang Davao City Police Office (DCPO) sa pagpatuman sa mga balaod sa community quarantine labi na nga ang siyudad anaa ubos sa modified enhanced community quarantine (MECQ) hangtud Hunyo 20, 2021.

Gibutyag sa DCPO nga mas istrikto ang ilang gihimong inspeksyon ug ang pagpangutana asa gikan ug asa moadto ang mga motorista nga moagi sa ilang mga quarantine checkpoint.

Ginatan-aw usab sa kapulisan ang sakay sa mga pribado ug pampublikong sakyanan kung duna bay mga sakay nga menor edad 16 anyos paubos ug mga edaran nga 65 anyos pataas.

Ubos sa MECQ, ang mga nahisgutang edad dili puwede makagawas sa balay agi'g pagprotekta sa panglawas batok sa Covid-19.

Nagpahimangno ang awtoridad sa katawhan nga kung mas maayo dili una mogawas sa balay kung walay importante nga adtoan aron di matakdan sa virus.