SI AL Langkuno ang milangkat sa Metba Davao January monthly finals tournament mixed oped ug seniors division titles nga gihimo ning bag-o lang sa SM Lanang Premier Bowling Center.

Si Langkuno mipatumba og 1,232 pinfalls human ang unom ka duwa sa Metro Davao Bowlers Association (Metba) Davao-organized bowlfest.

Gipildi niya si William Galacio (29) ug Rene Boy Dalayon (15) nga mihuman sa ikaduha ug ikatulong pwesto.

Si Galacio mipatumba og 1,206 pins samtang si Dalayon dunay 1,192 pinfalls.

Si Langkuno midawat og cash prize nga P4,000 samtang si Galacio may P2,000 ug si Dalayon dunay P1,000.

Sila Langkuno, Galacio ug Dalayon miangkon sab sa unang tulo ka pwesto sa seniors category aron maangkon ang dugang P3,000, P2,000 ug P1,000.

Sa ladies division, si Jingkie Moradas miangkon sa korona human mipaligid og 1,117 pinfalls kontra Yeyen Flores (1,110), Grace Funtilon (1,082) ug Grace Consolacion (1,067) samtang si Uree Uy ug Raymond Consolacion miangkon sa unang duha ka pwesto sa youth categories. Sila sab mipauli uban ang premyong salapi.