TAGUM CITY, Davao del Norte -- Sila si Liaa Margarette Amoguis, Juliana Marien Villanueva ug Maiki Samantha Gonzaga milangoy og tulo ka bulan alang sa Davao City sa ikaduha ka adlaw nga tigi sa langoy sa Batang Pinoy 2019 Mindanao Qualifying Leg didto sa Davao del Norte Sports and Tourism Complex niadtong Huwebes.

Ang Davao City, nga nakasakmit na og unom ka bulawan, tulo ka plata, ug walo ka bronse niadtong Miyerkules, niadtong Huwebes mihakot og tulo pa ka bulawan, pito ka plata ug unom ka bronse.

Ang 11-anyos nga si Amoguis, tinun-an sa Abbas Orchard Montessori School, misawom sab og laing bulawan sa girls 12-under 200m freestyle pinaagi sa pag-oras og dos minutos ug 23.64 segundos. Iyang giunhan ang taga Butuan City nga si Calythea Lumag (2:34.13) ug General Santos City nga si Nova Rea Estrada (2:34.14) kinsa nakakuha og plata ug bronse sa maong han-ay.

Iya sab nga gisakmit ang plata sa girls 15-under 400m individual medley (IM), nga napildi ngadto ni 14-anyos nga si Villanueva. Ang duha ka Dabawenyas nagratsada sa unang 300 meters apan ni freestyle stage, si Villanueva ang nakauna aron nga kuhaon ang bulawan uban sa oras nga 5:30.23. Si Amoguis nioras og 5:34.63.

Si Amoguis, kinsa nag-una sa girls 12-under 200m IM ug 100m butterfly niadtong Miyerkules, nagsulti, "Not good," sa dihang gipangutana bahin sa iyang ikaduha ka adlaw nga paglangoy. Gipasalig niya nga sulayan niya nga molambo sa katapusan niyang tigi kagahapon.

Si Villanueva, kinsa mihari sa 800m freestyle sa pagbukas, apan nakakuha lang og bronze sa girls 13-15 200m freestyle.

"I am happy with my performance today. I made all my swim. I'm not really after the gold but I want to beat my best time as much as possible," pung ni Villanueva atol sa paghinabi kaniya sa SunStar Davao. Nakigitig siya kagahapon sa 400m freestyle.

Sa bahin ni Gonzaga, gimarkahan niya ang iyang unang duwa sa Batang Pinoy og "golden finish" sa girls 13-15 50m butterfly (28.51) samtang mga kauban nga si Alissa Ysabella Lazarraga (31.31) nitapos og plata.

Si Gonzaga, 14-anyos nga tinun-an sa Grade 8 sa Ateneo de Davao University, nagsulti sa iyang kalampusan nga wala damha.

"I just wanted to enjoy my swim," matud niya.

Giangkon sa Davao City ang plata gikan sa paningkamot nila ni Matthieu Adrien Tao (boys 13-15 200m backstroke, 200m freestyle), Lora Micah Amoguis (girls 13-15 200m backstroke), Francis Greg Espiritu (boys 13-15 200m breastroke) ug Rissa Angelian Sahagun (girls 13-15 200m breastroke).

Ang mga bronse nahiadto sa Dabawenyos nga sila si Khyrstian Tan (boys 13-15 50m butterfly), Ivo Nikolai Enot (boys 13-15 200m backstroke), Lazarraga (girls 13-15 200m backstroke), Maica Angela Garcia (girls 13-15 200m breastroke) ug girls 15-under 200m medley relay team nila ni Joanna Kayla Gonzales, Angela Marie Lao, Lazzaraga ug Alexis Shama Balana.

Ang tigi sa langoy gitakdang mahuman kagahapon.